ប្រវត្តិLogo Apple

Apple ជាក្រុមហ៊ុនយក្សដ៏ធំមួយដែល ផលិតផ្គត់ផ្គង់ទូរសព្ទដៃទំនើបម៉ាកiPhone iPad​និង​កុំព្យូទ័រ​Appleដ៏ល្បីល្បាញជាទីពេញនិយមបំផុត​សម្រាប់មនុស្សសម័យទំនើបក្នុងពិភពលោក ។ រូបរាង ប្រភេទពណ៌ និង​ទំហំ​នៃឧបករណ៍ទាំងនោះក៏ត្រូវកែប្រែផ្លាស់ប្ដូរទៅ​តាមដំណាក់កាល​នៃសម័យ​នីមួយៗដែរ ដើម្បីធ្វើយ៉ាងឲ្យអតិថិចាប់អារម្មណ៍និងមានទំនុកចិត្ត ។ ប៉ុន្ដែអ្វីដែលយើង​លើកឡើ​ង​ក្នុងពេលនេះ គឺLogo  នៃក្រុមហ៊ុនApple តាមដំណើរ​​​ដែល​ក្រុមហ៊ុនបានផ្លាស់ប្ដូរកន្លងមក៖

ក.រូបLogoដំបូងរបស់Appleឆ្នាំ១៩៧៦

រូបLogoដំបូងបំផុតជាការរចនាឡើងដោយលោកសហស្ថាបនិក Ron Wayne ដែលបាន ប្រើប្រាស់ រូបវិទូដ៏ល្បីល្បាញម្នាក់គឺលោកIsaacNewtonអង្គុយអានសៀវភៅ ក្រោមដើមប៉ោមជាLogo​នៃ​ក្រុម​ហ៊ុន ។

ខ.រូបLogoផ្លែមប៉ោមពណ៌ឥន្ទធនូ(ចុងឆ្នាំ១៩៧៦ដល់១៩៩៨)

ក្រោយមកចុងឆ្នាំ១៩៧៦ លោកRob Janoff បានប្ដូរLogoទៅជារូបផ្លែពណ៌ឥន្ទធនូ ដែលមាន ស្នាម​ខាំ​បាត់មួយចំណិតវិញ ។ ហេតុដែលក្រុមហ៊ុនប្ដូរLogoផ្លែប៉ោមខាំបាត់មួយចំណិតបែបនេះ ដោយ​សារ​​​តែចង់ឲ្យអតិថិជនងាយចំណាំ កុំច្រឡំនឹងរូប​ផ្លៃឈើផ្សេងទៀត​ដែលមានរូបស្រដៀងគ្នា។

គ.រូបLogoបច្ចុប្បន្ន ប្រើពណ៌ខ្មៅនិងទឹកប្រាក់

 ​Appleបានប្រើប្រាស់Logoផ្លែប៉ោមពណ៌ឥន្ទធនូនេះចាប់១៩៧៦ រហូតដល់ឆ្នាំ១៩៩៨ តែ​ក្រោយមក ក្រុម ហ៊ុនបានដកពណ៌ឥន្ទធនូចេញដោយជំនួសមកវិញនូវរូបLogo ដែលមាន​ពណ៌​ប្រាក់ឬខ្មៅ​រហូត​ដល់សព្វថ្ងៃ នេះ។​

ដកស្រង់ពីសៀវភៅសិក្សាគោលរបស់សាកលវិទ្យាល័យបៀលប្រាយ រៀបចំដោយលោកសាស្ដា្រចារ្យ កុល សុវណ្ណវឌ្ឍនា